Një tjetër ngjarje me pasojë plagosjen ka ndodhur mbrëmjen e sotme në zonën e Kombinatit. Policia e Tiranës ka bërë me dije se rreth orës 20:10, është dërguar për mjekim në spital shtetasi me iniciale H. I., rreth 27 vjeç.
Sipas njoftimit zyrtar, i riu dyshohet se është dëmtuar me mjet prerës (thikë) në rrethana që mbeten ende për t’u sqaruar. Aktualisht, 27-vjeçari ndodhet nën kujdesin e mjekëve.
Njoftimi i Policisë:
“Rreth orës 20:10, është dërguar për mjekim në spital, shtetasi H. I, rreth 27 vjeç, i cili dyshohet se është dëmtuar me mjet prerës në Kombinat. Aktualisht, ai ndodhet nën kujdesin e mjekëve. Punohet për identifikimin e kapjen e autorit.”
Policia po vijon punën për identifikimin dhe kapjen e personit përgjegjës, si dhe për dokumentimin e plotë ligjor të ngjarjes. Ky incident shtohet në bilancin e ngjarjeve të rënda të raportuara gjatë orëve të fundit në kryeqytet.
