Korporata Energjetike e Kosovës (KEK) ka njoftuar opinionin publik dhe bizneset në vend se nga data 1 qershor 2025, ka hyrë në fuqi liberalizimi i tregut të energjisë elektrike, në bazë të vendimit të Zyrës së Rregullatorit për Energji (ZRRE).
Në këtë fazë tranzicioni, KEK është caktuar si Furnizues i Mundësisë së Fundit (FMF), me mandat të vlefshëm deri më 30 korrik 2025. Konsumatorët të cilët ende nuk kanë zgjedhur një furnizues në tregun e lirë, do të furnizohen automatikisht me energji elektrike nga KEK-u si FMF.
Çfarë duhet të bëjnë bizneset?
KEK u bën thirrje të gjitha bizneseve që nuk kanë përzgjedhur një furnizues të tregut të lirë që:
Të lidhin kontratë me KEK si FMF brenda 8 ditëve nga data 1 qershor 2025.
Të dërgojnë të dhënat e tyre në adresën zyrtare [email protected] ose të kontaktojnë në 080010600.
Dokumentacioni i kërkuar për kontratë përfshin:
Numrin unik të identifikimit (NUI)
Emrin e biznesit (sipas ARBK)
Pikat matëse
Adresën e biznesit
Kontaktet (e-mail dhe numër telefoni)
Letërnjoftim të personit të autorizuar
KEK thekson se stafi i saj është në dispozicion për çdo sqarim shtesë apo ndihmë rreth procesit të liberalizimit.
