Ermal Mamaqi ishte i ftuar mbrëmjen e djeshme për pak çaste brenda shtëpisë më të famshme në Shqipëri, të BBV, ku së bashku me Elvana Gjatën zgjodhën një skuadër fituese për aktrimin e një skeçi.
Skuadra e Rogertit ishte ajo humbëse dhe Ermali tregoi sot në “Fan Club” se është “sulmuar” nga Rogerti.
“Pata një incident me Rogertin, nuk e di nëse u vu re gjatë Prime. Kur unë vendosa që do të shpallej fitues ky grupi që nuk ishte i Rogertit, filloi duke më sulmuar: ‘U shite’, ‘të blenë’, ‘të shitën’.
Desha t’ia kapja njëherë kokën, t’ia vendosja dorën te balli dhe t’i thoja: ‘Dil satan, nga ky trup’, por nuk e bëra dot. Shaka, shaka. Nuk është aq i keq sa duket. Është shumë interesant ai”, – u shpreh Ermali.
