![](https://i0.wp.com/www.fiks.al/wp-content/uploads/2023/08/ambasadori-abbott-veprat-e-kadarese-e-frasherit-ure-lidhese-mes-kulturave_64da36a0e6205.jpeg?resize=850%2C509&ssl=1)
Nicholas Abbott, ambasador i Britanisë së Madhe në Kosovë, ka shkruar në Gjuhën Shqipe për pjesëmarrjen e tij në në hapjen e Seminarit të 41-të për gjuhën, letërsinë dhe kulturën shqiptare.
Kësisoj ai ka njoftuar se ka mësuar Gjuhën Shqipe dhe për këtë fakt ndihet i nderuar.
“Letërsia shqipe, me rrënjët e saj të thella në folklor, poezi dhe prozë, ofron një dritare në shpirtin e një kombi. Veprat e Ismail Kadaresë, Naim Frashërit e shumë të tjerëve, jo vetëm kanë kontribuar në letërsinë botërore, por kanë shërbyer edhe si një urë lidhëse mes kulturave.”, tregon ai se është shprehur në fjalimin e tij në këtë Seminar.
Postimi i tij i plotë:
Pasi kam pasur nderin të mësoj gjuhën shqipe, ishte kënaqësi të marr pjesë në hapjen e Seminarit të 41-të për gjuhën, letërsinë dhe kulturën shqiptare. Gjatë fjalimit tim theksova se:
“Letërsia shqipe, me rrënjët e saj të thella në folklor, poezi dhe prozë, ofron një dritare në shpirtin e një kombi. Veprat e Ismail Kadaresë, Naim Frashërit e shumë të tjerëve, jo vetëm kanë kontribuar në letërsinë botërore, por kanë shërbyer edhe si një urë lidhëse mes kulturave.”