![](https://i0.wp.com/www.fiks.al/wp-content/uploads/2023/08/ambasadorja-e-shba-se-ne-mal-te-zi-per-aspirata-euroatlantike-duhet-mbeshtetur-edhe-sovranitetin-e-kosoves_64dd391a5bb39.jpeg?resize=850%2C478&ssl=1)
Ambasadorja e SHBA-së në Mal të Zi, Judy Rising Reike, ka treguar hapat që Qeveria e Malit të Zi duhet të ndjekë për aspiratat e saj euroatlantike.
Në një shkrim në rrjetin social “X”, ish Twitter, Reike ka përmendur përkrahjen e sovranitetit të vendeve fqinje, me theks të veçantë Kosovën.
Sipas saj, Malit të Zi i nevojitet qeveri që dënon agresionin e Rusisë në Ukrainë si dhe mbështet sanksionet e BE-së ndaj Rusisë.
“Në mënyrë që Mali i Zi të arrijë aspiratat euroatlantike, i nevojitet një qeveri që dënon agresionin e Rusisë, avokon për integritetin territorial të Ukrainës dhe mbështet sanksionet e BE-së ndaj Rusisë, po ashtu të përforcojë pjesëmarrjen aktive në NATO, të mbrojë të drejtat e minoriteteve dhe të përkrahë sovranitetin e vendeve fqinje, përfshirë Kosovën”, ka shkruar Reike.