Kreu i Partisë Demokratike, Sali Berisha, deklaroi se të shtunën do të mbahet protesta më e madhe kombëtare, në mbështetje të studentëve dhe gjimnazistëve që protestojnë.
“E shtuna është dita e protestës më të madhe kombëtare, e thirrur në mbështetje të protestës studentore dhe gjimnazistëve”, deklaroi Berisha.
I pyetur nga gazetarët nëse përfshirja e PD-së mund ta dëmtojë protestën, Berisha e hodhi poshtë këtë pretendim dhe theksoi se opozita po e mbështet lëvizjen studentore.
Ai i cilësoi zgjedhjet e fundit si “farsë elektorale” teksa akuzoi qeverinë për korrupsion dhe kundërshtoi pretendimet se opozita i ka humbur zgjedhjet.
