Ads: Abonohu në Digitalb OTT 

Lajme

E thirrën në stacionin policor për të dhënë deklaratë pas vizitës së Kurtit, flet kryetari i Çairit

Kryetari i Komunës së Çairit, Visar Ganiu, është thirrur pas mesditës në stacionin policor të Bit Pazarit për të dhënë deklaratën e tij, pesë ditë pas vizitës së kryeministri të Kosovës, Albin Kurti.

Pas intervistimit, Ganiu ka deklaruar se ndaj tij janë ngritur dy kallëzime kundërvajtëse, njëra për mosintonimin e himnit shtetëror dhe tjetra për mosvendosjen e flamurit të Maqedonisë.

Ai tha se kallëzimet janë të ndikuara politikisht.

“Kanë vendosur që për momentin t’i kem dy dënime për kundërvajtje, kështu që arsyeja është vizita e kryeministrit Albin Kurti në Çair. Thirren në ligj për shkak se nuk është kënduar himni i Maqedonisë atë ditë aty, dhe që nuk ka pasur flamuj, do të thotë protokolli nuk e ka paraparë që të ketë flamuj, nuk ka pasur të Maqedonisë, por nuk ka pasur as të Kosovës”, tha Ganiu pasi doli nga stacioni policor.

Kallëzime penale të martën janë ngritur ndaj Visar Ganiut dhe kryetarit të Tetovës, Bilall Kasami.

Sipas Ministrisë së Panëve të Brendshme në Maqedoninë e Veriut kjo është bërë për “shkelje të ligjit për përdorimin e simboleve shtetërore” gjatë vizitës së Kurtit.

Të premten, Kurti ka qëndruar në Maqedoni të Veriut me ftesë të dy kryetarëve.

Ai ka marrë pjesë në përurimin e një rruge me emrin e veprimtarit “Adem Demaçi” në Çair, si dhe në një përurim në Tetovë.

Pas vizitës së tij ka pasur shumë reagime, ndër të cilat edhe nga presidenti i Maqedonisë së Veriut, Stevo Pendarovski i cili ka kërkuar sanksione për organizatorët e kësaj vizite, për shkak të ikonografisë shqiptare të përdorur gjatë manifestimeve.

Related posts
Lajme

​Një metër dru po shitet deri në 65 euro, qytetarët ankohen për çmimin dhe mashtrimet në matje

Lajme

Osmani dhe Taha flasin për njohjen e Kosovës nga shtetet e OIC-së

Lajme

Tensione në kufirin Liban-Izrael: Sulme me bomba tymuese

Lajme

Gërvalla takon kryediplomatin Gerapetritis: Greqia është aktor kryesor në rajonin tonë