Egla dhe Romeo u përfshinë gjatë javës dhe gjatë prime-t në një debat me tone të larta, pasi shpeshherë Egla i drejtohej banorit me emrat e vëllezërve, Donald dhe Mario.
Egla u justifikua se ka punuar me dy djemtë dhe i ngatërron shpesh, ndërsa vetë Romeo e quajti mungesë respekti ngatërresën e saj.
Nisur nga ky debat, Donaldi dhe si rrallëherë, edhe Bora, kanë ironizuar situatën, përmes një videoje të publikuar në Instastory. “Romeo, Mario, ti, si e ke (emrin)?” pyet Bora me ironi dhe Donaldi, duke parë televizorin (më shumë gjasa “BBVA 3”), përgjigjet: “Berti”.
Gjithashtu, Donaldi ka publikuar edhe një video të Romeos, ku shkruan: “Ore, si e ka emrin ky?”
Debatet nuk kanë të ndalur në shtëpinë e “BBVA 3” dhe në shumicën e tyre përfshihet Romeo, i cili sapo shuan një vatër sherri dhe bën paqe me Meritonin, ndez një tjetër me Eglën ose me Julin.
