Avokati Gazmend Halilaj ka reaguar ashpër pas peticionit për lirimin e bashkëluftëtarëve që ndodhen në Hagë, duke kritikuar iniciativën e tillë.
Sipas tij, asnjë gjykatë në botë nuk vendos në bazë të nënshkrimeve apo dëshirave të qytetarëve, por vetëm mbi prova, fakte dhe ligj të shqyrtuara gjatë procesit gjyqësor.
Halilaj e ka quajtur të papranueshme ndërhyrjen e opinionit publik në vendimmarrjen gjyqësore, duke theksuar se vendimet e gjykatave nuk mund dhe nuk duhet të ndikohen nga peticionet apo kërkesat qytetare.
Postimi i plotë:
Heeeeej: a ka një rast të vetem në botë, ku Gjykatës i kërkohet të vendos ne bazë të nënshkrimëve qytetare.
Miq, jo në Europë, por as në vendet ku njerëzit ende flejnë mbi drunjë, Gjykatës nuk i kërkohet qe, vendimin e saj ta mbështes në deshirat e qytetarëve.
I njoftoj fëmijet e klasës së -l-rë, ngase të klasës së -ll-të e dijnë, qe Gjykata, vendos mbi prova, fakte dhe ligj, të provuara gjatë shqyrtimit kryesor, duke vlerësuar me ndërgjegjie një nga një, e në lidhje me provat tjera.
Por, KURRRRRRRË, Aktgjykimi i cilësdo Gjykatë , nuk guxon të mbeshtetët e as të ndikohet në deshirat apo kërkesat e askuj.
Duhet të ndihemi thellësisht të turpëruar qe dikush i cili përfaqson një Organizatë prej së paku 60.000 antarëve, të marrë një veprim të tillë.
Cila është baza ligjore, cila është praktika gjyqësore nese veç ndodh diku gjatë historisë???
