![](https://i0.wp.com/www.fiks.al/wp-content/uploads/2023/06/grenell-njerezit-ne-kosove-te-pergatiten-per-pasoja-te-renda-nese-kurti-i-refuzon-kerkesat-amerikane_6480d3188208f.jpeg?resize=850%2C478&ssl=1)
Richard Grenell, ish-emisar amerikan për dialogun Kosovë – Serbi, ka paralajmëruar pasoja të rënda nëse kryeministri Albin Kurti nuk i zbaton kërkesat perëndimore.
Përmes një postimi në Twitter, Grenell ka shkruar se me refuzimin e këtyre kërkesave nga Kurti, njerëzit në Kosovë duhet të përgatiten për pasoja të rënda.
“Kurti nuk e kupton se çfarë po ndodh me Kosovën. Komuniteti ndërkombëtar i ka dhënë atij një afat deri të premten për t’iu përmbajtur angazhimeve që vendi i tij ka marrë më parë.
Miqtë e mi në Kosovë duhet të përgatiten për pasoja të rënda nëse Kurti nuk respekton. Unë i kam parë pasojat dhe nuk është e bukur”, thuhet në postimin e Grenell.
Kujtojmë se emisari amerikan, Gabriel Escobar, i ka dhënë dy ditë afat kryeministrit të Kosovës, Albin Kurti, që të pajtohet me kërkesat e SHBA-së dhe BE-së për situatën në veri, meqë të premten ai dhe emisari Lajçak do t’u raportojnë eprorëve të tyre nëse ka sukses ose jo.