![](https://i0.wp.com/www.fiks.al/wp-content/uploads/2023/06/kryeziu-nga-shqiperia-zyrtare-presim-mbeshtetje-ndermjetesues-kemi-shume_6483420a8ea4e.jpeg?resize=850%2C510&ssl=1)
Zëdhënësi i Qeverisë së Kosovës, Përparim Kryeziu në një përgjigje për Dukagjinin ka thënë se nga Shqipëria presin mbështetje.
“Nga Shqipëria zyrtare presim mbështetje. Ndërmjetësues kemi shumë”, ka thënë Kryeziu.
“Çështja e kryetarëve të katër komunave në veri të vendit është çështje e respektimit të kushtetutës, sundimit të ligjit dhe ofrimit të shërbimeve ndaj qytetarëve tanë, që për shkak të bojkotit të diktuar nga Serbia u kishin munguar për plot 6 muaj”, ka thënë Kryeziu.
Sipas tij, çështja e marrëveshjeve të mëhershme për asociacionin e komunave me shumicë serbe është “çështje e funksionalitetit të shtetit të Kosovës, dhe kjo u dëshmua me draftin e prezantuar nga Ekipi Menaxhues që drejtohej nga deputetja e Vuçiqit që synonte një Republika Srbska në Kosovë dhe së fundmi me Non-paperin e Akademisë së Shkencave dhe e Artit e Serbisë që flet për “Botën Serbe””.
“Në të dy rastet në pyetje është Kosova. Në të dy rastet rreziku është Serbia”, ka shtuar ai.