![](https://i0.wp.com/www.fiks.al/wp-content/uploads/2023/06/kurti-flet-nga-ferizaj-veriu-i-kosoves-ka-nevoje-per-zgjedhje-te-lira-dhe-sundim-te-ligjit_647b36d0da365.png?resize=680%2C375&ssl=1)
Kryeministri Albin Kurti, edhe sot ka bërë thirrje për shtensionim të situatës në veri të Kosovës nga fshati Muhoc i Ferizajt, ku ishte prezent për vendosjen e gurthemelit të shtëpisë së familjes gorane përfituese e mbështetjes së Ministrisë për Komunitete dhe Kthim.
“Situata në veri të Kosovës duhet të de eskalohet, për këtë është e nevojshme që të mos ketë më protesta të dhunshme, ata të cilët i kanë sulmuar ushtarët e KFOR-it, Policinë e Kosovës dhe gazetarët duhet të përballën me drejtësinë, e që në të ardhmen të kemi zgjedhje të lira, ku qytetarët e shprehin lirshëm vullnetin e tyre”, tha Kurti.
Sipas tij, veriu i Kosovës, ka nevojë për zgjedhje të lira, por nevojitet paraprakisht sundim të ligjit, si dhe fushata për zgjedhje të jetë e lirë.
Edhe Bashkimi Evropian ka reaguar sërish për situatën në Veri, ku ka kërkuar sa më parë mbajtjen e zjedhjeve të reja, ndërsa ka paralajmëruar se dështimi për shtensionim të situatës do të ketë pasoja.