Kryeministri Albin Kurti tha se për zbatimin e një strategjie shtetërore dhe kombëtare lidhur me proceset në Hagë, Kosovës i duhen institucione funksionale.
“Për ta zbatuar strategjinë na duhen institucione funksionale – president dhe qeveri stabile”, tha Kurti.
Më herët, ai tha se “adresa e fitores është apeli” dhe se për këtë nevojitet organizim që nuk duhet të jetë partiak.
Kurti paralajmëroi se gjatë ditës së sotme do të takohet me kryetarin e PDK-së, Bedri Hamza.
Ai nuk dha më shumë hollësi për kohën apo temat që do të diskutohen në takim.
