![](https://i0.wp.com/www.fiks.al/wp-content/uploads/2023/06/ky-incizim-qe-iu-be-rusit-i-kushtoi-me-suspendim-policit-te-njesise-speciale_649762ad2b410.jpeg?resize=850%2C560&ssl=1)
Inspektorati Policor i Kosovës ka njoftuar se sot ka suspenduar nga puna një zyrtar policor nga Drejtoria Rajonale e Policisë në Mitrovicë të Jugut.
“Hetuesit e IPK-së kanë pranuar informacione sot lidhur me dyshimin se një zyrtar policor ( i Njësisë së Reagimit të Shpejtë – Drejtoria Rajonale Policore – Mitrovicë e Jugut) është i dyshuar për fotografim apo incizim të paautorizuar. Hetuesit kanë ndërmarrë disa veprime hetimore kurse si pjesë e procedurave administrative, krahas hetimit që po zhvillohet zyrtari policor është suspenduar” bëhet e ditur në njoftimin e IPK-së.
Media raporton se bëhet fjalë pikërisht për incizim të të arrestuarit të djeshëm, si i dyshuar për sulmin ndaj ushtarëve të KFOR-it.
“Rusi”
Serbi Nenad Orlovic, i njohur me nofkën “Rusi”, u arrestua nga forcat policore ditën e djeshme.
Zyrtari policor në fjalë dyshohet ta ketë incizuar “Rusin”.