![](https://i0.wp.com/www.fiks.al/wp-content/uploads/2023/06/lajcak-e-escobar-sot-me-diskutim-publik-per-kosoven-e-serbine_649135cd208bd.jpeg?resize=850%2C478&ssl=1)
Sot në orën 15:00 sipas kohës sonë, drejtpërdrejt nga Uashingtoni emisari amerikan, Gabriel Escobar dhe ai evropian, Miroslav Lajçak, do të mbajnë diskutim publik lidhur me rifillimin e dialogut Kosovë-Serbi.
Ky dskutim vjen në kohën kur dialogu është një prej tri kërkesave të tyre kryesore për të dyja palët.
Në njoftimin që e ka lëshuar Këshilli Atlantik thuhet se progresi i fundit në normalizimin e marrëdhënieve ndërmjet Serbisë dhe Kosovës përmes dialogut Beograd-Prishtinë të lehtësuar nga BE-ja kërcënohet nga përshkallëzimi i tensioneve në veri të Kosovës.
Ky diskutim do të ofrojë njohuri se si SHBA dhe BE synojnë të ndihmojnë në zbutjen e tensioneve dhe të gjejnë zgjidhje të mundshme që Serbia dhe Kosova të krijojnë marrëdhënie më të qëndrueshme.