Anëtari i KPM-së, Jeton Mehmeti, ka treguar se mbrëmë disa qytetarë kanë njoftuar se disa nga operatorët e shpërndarjes që janë të licencuar nga KPM po transmetojnë në platformat e tyre video mesazhe kërcënuese.
Sipas Mehmeti, këto video mesazhe janë kërcënuese për rendin dhe sigurinë kombëtare.
Ndërsa ka njoftuar se, sot kanë filluar menjëherë me mbledhjen e provave.
“Mbrëmë jemi lajmëruar nga qytetarë të shumtë se disa nga operatorët e shpërndarjes që janë të licencuar nga KPM po transmetojnë në platformat e tyre video mesazhe kërcënuese për rendin dhe sigurinë kombëtare. Sot kemi filluar menjëherë me mbledhjen e provave. Nesër i analizojmë gjetjet kurse të martën vendosim për rastin në mbledhjen e Komisioni”, ka thënë Mehmeti në një postim në facebook.
