![](https://i0.wp.com/www.fiks.al/wp-content/uploads/2023/09/ndalohen-dy-zyrtare-te-qendres-per-pune-sociale-dyshohet-se-punesuan-kunderligjshem-disa-persona_64fb34dd6203f.png?resize=717%2C375&ssl=1)
Prokuroria Themelore në Prishtinë ka njoftuar se ka lëshuar aktvendim për ndalimin e dy zyrtarëve të Qendrës për Punë Sociale në Prishtinë, nën dyshimin se kanë keqpërdorur pozitën, përcjell Reporteri.net.
Sipas njoftimit, është lëshuar vendim për ndalimin e dy zyrtarëve me inicialet V.M. dhe V.M..
Ata dyshohet se kanë punësuar rreth 10 persona në mënyrë të kundërligjshme dhe se njërin nga këta persona e kanë punësuar si menaxhere për trajtimin e një rasti të dhunës seksuale, “përkundër faktit se e angazhuara nuk i kishte plotësuar kushtet ligjore për të trajtuar një rast të tillë dhe të ndjeshëm”.
Prokuroria ka thënë se në koordinim me Policinë po vazhdon veprimet hetimore për rastin.