TIRANË — Nga 1 janari, të gjithë efektivët e Policisë së Shtetit do të përfitojnë një rritje të ndjeshme të pagave mujore, e cila konsiderohet si më e madhja e realizuar ndonjëherë për uniformat blu.
Sipas vendimit të qeverisë, rritja e pagës do të jetë 20 mijë lekë të reja në muaj për punonjësit e rolit bazë dhe 15 mijë lekë të reja në muaj për efektivët me grada më të larta, deri te niveli i drejtuesit madhor.
Kryeministri Edi Rama dhe Ministri i Brendshëm, Ervin Demo, e kanë vlerësuar më parë këtë masë si një mbështetje financiare të konsiderueshme për strukturat e rendit.
Vendimi për rritjen e pagave vjen në një periudhë me tensione të larta politike e sociale, pas protestave të njëpasnjëshme të zhvilluara në vend, ku efektivët e policisë janë përballur me përplasje dhe kritika mbi mënyrën e menaxhimit të situatës.
Gjithashtu, pak ditë më parë qeveria realizoi shpërndarjen e një shpërblimi financiar prej 2,980 eurosh për 2.750 punonjës të Policisë së Shtetit, në shenjë vlerësimi për angazhimin e tyre gjatë situatave të krijuara nga tubimet e fundit.
