Një ndër katër personat që pësoi djegie serioze sonte në Himarë, Xhemal Ismailaj, 40 vjeç, arrin të flasë teksa transportohet nga urgjenca e Himarë për në repartin e Djegieve të spitalit të Vlorës.
Nga autoambulanca ai rrëfeu për mediat lokale momentet kur ndodhi ngjarja.
Duke përjashtuar të ishte cigarja shkaku i ngjarjes, Xhemali tregoi se që të katërt, u gjendën në breg të detit për të riparuar skafin.
Ai tha se e nxorën skafin nga deti pasi ishte bllokuar dhe shtoi se në punë e sipër, bëri skopio (plasi) dhe zjarri u përhap nga benzina që ishte derdhur gjatë riparimit.
