![](https://i0.wp.com/www.fiks.al/wp-content/uploads/2023/06/osmani-takon-sekretaren-e-pergjithshme-te-keshillit-te-evropes-po-bejme-hapa-drejt-anetaresimit_6488943b612d7.jpeg?resize=850%2C565&ssl=1)
Presidentja e vendit, Vjosa Osmani, të martën është takuar me sekretaren e Përgjithshme të Këshillit të Evropës, Marija Pejčinović Burić.
Përmes llogarisë zyrtare në Facebook, Osmani ka thënë se anëtarësimi i Kosovës në Këshillin e Evropës është në funksion të një Republikë më të fuqizuar dhe një Evropë më të bashkuar e më demokratike.
Tutje presidentja theksoi se Burić, e ka informuar për përkushtimin tonë të çdoditshëm për demokraci, sundim të ligjit dhe të drejta të njeriut, si tri shtyllat themelore mbi të cilat qëndron Këshilli i Evropës.
Kosova me 12 maj të vitit 2022 ka aplikuar për anëtarësim në Këshillin e Evropës.
Këshilli i Evropës është një organizatë ndërkombëtare për të drejtat e njeriut, demokracinë dhe sundimin e ligjit në Evropë, me seli në Strasburg të Francës.
Këshilli mbron lirinë e shprehjes dhe të mediave, barazinë dhe minoritetet në vendet anëtare.
Kosova ende anëtare e Bashkimit Evropian, as e Organizatës Botërore të Tregtisë, as e Organizatës Ndërkombëtare të Policisë Kriminale e të tjera.
Megjithatë, ka arritur të anëtarësohet në disa organizata ndërkombëtare – në mesin e tyre: Banka Botërore, Fondi Monetar Ndërkombëtar, Banka Evropiane për Rindërtim dhe Zhvillim, Komiteti Olimpik, Federata Evropiane e Futbollit dhe Federata Botërore e Futbollit.