Bebe Rexha është një prej këngëtaret më të suksesshme shqiptare në botën e shoubizit të huaj.
Bukuroshja jonë është mjaft aktive dhe udhëton shumë shpesh me aeroplan për në vende të ndryshme të botës.
E gjatë këtyre udhëtimeve ajo e kishte humbur gjerdanin ku shkruante edhe emri i këngëtares sonë.
Por, biondina jonë duket se e ka gjetur atë pas plotë dhjetë ditëve teksa e ka konfirmuar përmes rrjeteve sociale.
“E gjeta varësen time Bebe”, ka shkruar ndër të tjerash 27-vjeçarja në llogarinë personale në Instagram.
Kujtojmë se ajo e heq shumë rrallë aksesorin pasi e konsideron diçka të veçantë me të cilën identifikohet.
Ndryshe, këngëtarja është duke punuar në projekte të reja muzikore që do t’i sjell në albumin e ri muzikor.
I kishte humbur në aeroport, Bebe Rexha e gjen varësen e veçantë
Punëtorët e gjykatës në veri i kthehen punës
Punëtorët e Gjykatës Themelore të Mitrovicës e cila funksionon në pjesën veriore të qytetit, janë kthyer në punë.
Monitoruesja e Kallxo.com nga kjo gjykatë njofton se të gjithë punëtorët janë në punë dhe se pritet që seancat të mbahen sipas orarit të paraparë.
Të martën, kryetari i Gjykatës Themelore në Mitrovicë, Nikola Kabashiq, u kishte shkruar letër ambasadorëve në Kosovë dhe shefave të misioneve ndërkombëtare që ta shfrytëzojnë autoritetin e tyre për të ndikuar te institucionet e Kosovës që ta ndryshojnë qëndrimin “në mënyrë që situata në Kosovë të normalizohet” dhe që ata “ta kthejnë besimin te banorët serbë”.
Atë ditë punëtorët e gjykatës në veri të Mitrovicës kishin ndërprerë punën në mëngjes në shenjë solidarizimi me qytetarët të cilët po protestojnë në katër komunat e veriut të Kosovës.
Në letrën e kryetarit të gjykatës thuhet se javën e fundit, vendimi i qeverisë së Kosovës për të vënë embargo ndaj produkteve serbe “jo vetëm që ka përkeqësuar të drejtat e njeriut por ka vënë në pyetje edhe ekzistencën e popullit serb në tërë Kosovën”.
Gruaja publikon fotot e dasmës që kurrë nuk ka ndodhur – letra prapa saj duhet të lexohet nga të gjithë
Fotot e dasmës ofrojnë përzgjedhjen perfekte të kujtimeve përmes të cilave të kujtojmë ditën tuaj – me shpresë – të përsosur.
Megjithatë, për një nuse, Debbie Gerlach të Arizonës, fotografitë që ajo publikoi në Facebook do të jenë një kujtesë e vazhdueshme për atë që kurrë nuk i kishte, transmeton lajmi.net.
Fotografitë u publikuan në të njëjtën ditë kur duhej të bëhej dasma e tyre, pasi Randy kishte vdekur tragjikisht tetë muaj më parë …
Nusja i shoqëroi ata me një letër të hapur që mendojmë se të gjithë duhet të lexojnë:
“Sot duhej të ishte dita më e mirë e jetës sime. Sot duhej të ishte dita kur u martova me mikun tim më të mirë. U desh të zgjohesha, të vija në fustanin e dasmës dhe të shkoj poshtë rreshtit të njeriut të ëndrrave të mia. Sot, përpara të gjithë familjes dhe miqve tanë Randy & unë do të shprehnim edhe një herë dashurinë tonë për njëri-tjetrin, dhe premtimet tona që ne do të mbanim të shenjtë në zemrat tona. Sot duhej të ishte dita që unë kam ëndërruar që kur isha një vajzë e vogël. Sot unë duhet të bëhesha grua. Sot unë duhet të bëhesha zonja Zimmerman …
“Por sot u zgjova vetëm, ashtu siç bëj çdo ditë. Sot u zgjova me zemrën time të thyer përsëri. Sot babai im nuk do të më shëtisë në rresht. Sot unë nuk do të shohë pamjen e fytyrës së Randy në fund të atij rreshti kur ai merr pamjen e tij të parë në mua në fustanin e dasmës, veshjen që duhej të fshehja prej tij, sepse ai nuk mund të priste për ta parë, përcjell lajmi.net.
“Sot nuk do të shoh të gjithë miqtë dhe familjen tonë. Sot nuk do të martohem me dashurinë e jetës sime. Sot unë nuk do të ketë një burrë …
“Unë të dua Randy Z Zimmerman.” /Lajmi.net/
Lista Serbe dakordohet me Vuçiqin për veprimet kundër taksës
Kryetari i Listës Serbe, Goran Rakiq, do të takohet sot me presidentin e Serbisë, Aleksandar Vuçiq.
Kreu i Listës Serbe, Goran Rakiq, ka njoftuar përfaqësuesit serb se sot do të udhëtoj për në Beograd, ku do të takohet me presidentin e Serbisë, Aleksandar Vuçiq, transmeton lajmi.net.
Siç ka bërë të ditur Rakiq, takimi ka për qëllim gjetjen e një zgjidhje për hapat e mëtutjeshëm si përgjigje ndaj krizës për shkak të taksës doganore në 100 për qind për produktet e Serbisë.
Në një prononcim për “Tanjug”, Rakiq ka thënë se serbët e Kosovës, do të “luftojnë” vetëm përmes protestave paqësore dhe jo të dhunshme ndaj siç tha ai, shkeljeve të të drejtave të njeriut nga Prishtina, transmeton lajmi.net.
Ndryshe edhe gjatë ditës së sotme serbët e veriut kanë paralajmëruar mbajtjen e protestës kundër taksës 100 për qind të taksës doganore ndaj mallrave serbe dhe kudnër arrestimeve të serbëve në veri të Mitrovicës. /Lajmi.net/
Enca tha se s’kishte të dashur, ndërsa tani del se po gatuan për të?
Me një pamje super seksi, e veshur me një kostum që i nxjerr në pah format e saj të bëshme, Enca Haxhia më shumë se sa me këtë pamje, na e mori vëmendjen me përshkrimin e vënë në fotografinë që publikoi në Instagram.
Këngëtarja e famshme ka lansuar një imazh në të cilin duket tejet e kuruar, e po gatuante në kuzhinën e shtëpisë së saj.
“Duke gatuar për te dashurin time”, ka shkruar ajo.
E tani Enca, ke apo s’ke te dashur ti?
Haradinaj përsërit: Taksa ndaj Serbisë hiqet vetëm pas njohjes së Kosovës
Sektori i prodhimit në Kosovë është një nga forcat lëvizëse kryesore të zhvillimit ekonomik në vend, u tha në edicionin e parë të Konventës së Prodhuesve të Kosovës, i cili ka për qëllim fuqizimin e sektorit të prodhimit dhe promovimin e produkteve “Made in Kosova”.
Rritja e qasjes së produkteve “Made in Kosova” në tregjet e huaja si dhe qasja në edukim dhe aftësimi profesional i të rinjve ishin temat kryesore të kësaj konvente.
I pari i Qeverisë, Ramush Haradinaj tha se prodhimi në Kosovë ka qenë sfidë ndërkaq lidhur me vendosjen e taksës ndaj Serbisë dhe Bosnjës tha se mund të hiqet vetëm me vendim të qeverisë dhe jo në forma të tjera.
Ai tutje paralajmëroi se taksa mund të qëndroj gjatë deri sa Serbia ta njoh Kosovën e të zbatohen marrëveshjet e arritura mes dy vendeve.
“Prodhimi është sfidë dhe prodhuesit kanë qenë të sfiduar që nga fillimi. Kosova ka më shumë vetëbesim në prodhim dhe produktet e vendit janë të çmuara. Si Qeveri i kemi filluar disa punë konkrete, kemi filluar me heq borxhe e taksa në raport me vendet e huaja”.
“Veprimet që i kem ndërmarr në komuna me i jap tokat për krijim të zonave ekonomike janë mundësi reale që prodhuesit tonë ta shohin të ardhmen në vend. Së fundi është prodhimi i taksës ndaj Serbisë dhe Bosnjës, propozimi ka ardhur nga zyra e ministrit të Tregtisë dhe vetëm me vendim qeveritar mund të ndryshoj”. Tutje ai shtoi se, “Nuk lëvizet lista për hatër të secilit se është e pamundur. Vendimi nuk është bërë vetëm për hatër të prodhuesve vendor, por është interes i 2 milion njerëzve që janë në këtë vend. Ju e dini sa keq është trajtuar Kosova dhe produkti ‘Made in Kosova’. Nuk ka njeri që ka të kaluar të lehtë, nuk ka storje që ju bënë përshtypje të gjithëve që nuk buron nga një sakrificë”. “Përkundër faktit që jemi të përkëdhelurit e Amerikës dhe Evropës ne duhet me i kryer disa punë të shtëpisë. Le të shërbej taksa si porosi për të gjithë që jemi zgjuar dhe jemi të vetëdijshëm. Nuk e kemi marr prej qejfi këtë vendim, dhe mund të mbetet shumë gjatë, aq gjatë sa nuk e njeh Serbia, Kosovën”. Ai bëri thirrje nga bizneset që të mos i rrisin çmimet dhe ta keqpërdorin vendosjen e taksës për produktet serbe dhe ato të Bosnjës, raporton EO. “Ju thash që nuk është bërë për hatër të juve kjo taksë. Është bërë nga zori mirëpo Mos e keqpërdorni taksen, mos i rritni çmimet pa nevojë. Qeveria e Serbisë i ka keqpërdor serbët e Kosovës. Është mirë të bëjmë kujdes për ta, t’i furnizojmë ata në veri dhe jug”, ka deklaruar Haradinaj. “Ne e kemi liruar kishën prej blerjeve nuk është në taksë. Propagandat që vijnë nga Beogradi që spitalet të mbesin pa oksigjen e çerdhet pa qumësht mos lejoni të ndikojnë tek ju”.Gjatë kësaj konvente, do të bëhet dhe lansimi i platformës digjitale “Made in Kosova”.Kjo platformë është një platformë digjitale për promovimin e kompanive të Kosovës dhe produkteve në mbarë botën, e cila do shërbejë në rritjen dhe zhvillimin e kompanive dhe i bënë ato pjesë të zinxhirit së vlerës globale. Gjithashtu, gjatë konventës Klubi i Prodhuesve të Kosovës do prezantojë KOCME- Qendra Kosovare për Përsosmëri të Prodhimit, e cila do jetë një qendër moderne trajnuese që do mbështesë krijimin e vendeve të reja të punës dhe trajnim profesional të rinisë.
Në festën e 28 Nëntorit pati 20 lindje, dy nëna sjellin në jetë binjak
Gjatë festës së 28 Nëntorit në Kosovë ka pasur gjithsej 20 lindje.
Në jetë u sollën 22 foshnje meqë dy nëna kanë lindur binjakë.
Sipas shërbimit spitalor në QKUK, prej numrit të përgjithshëm të lindjeve, 8 kanë qenë meshkuj, 12 femra, njofton Klan Kosova.
10 nëna kanë lindur për herë të parë, përderisa me operacion janë kryer 4 lindje.
Humbë jetën shqiptari në Selanik
Një 40-vjeçar shqiptar ka humbur jetën në Greqi.
Një 40-vjeçar shqiptar ka humbur jetën në Greqi pasi është përplasur për vdekje nga një automjet. Ngjarja ka ndodhur në Selanik në orët e para të mëngjesit të sotëm.
Sipas policisë greke, shqiptari u përplas nga një makinë e drejtuar nga një 20-vjeçar. Identiteti i viktimës nuk është bërë me dije. 40-vjeçari ndërroi jetë menjëherë për shkak të plagëve të rënda. Policia e Selanikut ka nisur hetimet për të zbardhur rrethanat. /tvklan.al
30 ditë paraburgim për personin që grushtoi ish-kryetarin e OVL-së në Gjilan
Gjykata Themelore në Gjilan, i ka caktuar masën e paraburgimit personin që sulmoi ditë më parë Ahmet Dakun, ish-kryetarin e OVL të UÇK-së në Gjilan.
Ish-kryetari i Veteraneve të Luftës së UÇK-së në Gjilan, Ahmet Daku, njëherësh anëtar i Komisionit Shtetëror për Verifikimin Statusit të Veteranëve, ishte sulmuar nga një person me datë 27 nëntor të këtij viti, shkruan lajmi.net.
Pas këtij sulmi fizik, i dyshuari është arrestuar ndërkaq sot, Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej tridhjetë(30) ditëve të pandehurit N. H.
“I pandehuri dyshohet se me datë 27.11.2018, hynë në zyrën e A. D., duke kërkuar sqarime për refuzimin e kërkesës për statusin e veteranit të UÇK-së, dhe pas disa ofendimeve, i pandehuri sulmon me grushte të dëmtuarin A. D., me ç’rast është dashur të marr trajtim mjekësor”, thuhet në njoftimin e Gjykatës Themelore.
Ndryshe Ahmet Daku, është Inspektori i Fatkeqësive Natyrore dhe Fatkeqësive Tjera në Drejtorin për Mbrojtje dhe Shpëtim në Komunën e Gjilanit. /Lajmi.net/
Komunat në veri krijojnë distancë me serbët në jug të Kosovës
Vendimi i kryetarëve të katër komunave me shumicë serbe në veri të Kosovës, Leposaviqit, Zubin Potokut, Zveçanit dhe Mitrovicës Veriore, që të japin dorëheqje nga postet e tyre, është vendim jo i mirë, jokorrekt dhe potencialisht me pasoja, vlerësojnë njohësit serbë të zhvillimeve politike në vend.
Vendimin e tillë, kryetarët e komunave veriore, të cilët i takojnë Listës Serbe, e kanë arsyetuar si kundërpërgjigje ndaj vendimit të Qeverisë së Kosovës për taksën prej 100 për qind për produktet e Serbisë, si dhe kanë thënë se “administrimi i qeverisjes lokale nga ana e Prishtinës në veri më nuk ekziston”.
Rada Trajkoviq, ish-deputete e Kuvendit të Kosovës nga radhët e komunitetit serb, duke folur për Radion Evropa e Lirë, vlerëson se dorëheqja e katër kryetarëve të komunave veriore, është shkelje e Marrëveshjes së Brukselit dhe integrimeve, të cilat siç thotë ajo, kanë qenë esenca e këtij projekti. Rritjen e taksës për mallrat serbe ajo e cilësoi si vendim politik, i cili si i tillë, do të jetë me afat të kufizuar kohorë.
“Sa i përket vendimit të serbëve, ajo është para së gjithash jokorrekte ndaj bashkëqytetarëve tjerë serbë që jetojnë në anën e poshtme të lumit Ibër, sepse kryetarët e komunave dhe institucionet e komunave serbe në jug të lumit Ibër, nuk kanë dhënë dorëheqje, nuk po demonstrojnë. Me vet këtë, ata po i hapin rrugë pikëpyetjes se çfarë në fakt është esenca e protestës. Ky është paralajmërimi i ndarjes së ngadaltë të veriut të Kosovës nga pjesa tjetër e Kosovës. Kjo për mua është një projekt mjaft i rrezikshëm, të cilin po provojnë ta zbatojnë (presidenti serb, Aleksandar) Vuçiqi me (presidentin e Kosovës, Hashim) Thaçin dhe të krijojnë një gjendje faktike”, theksoi Trajkoviq.
Ish-deputeti tjetër i Kuvendit të Kosovës nga radhët e komunitetit serb, Petar Miletiq, thotë për Radion Evropa e Lirë se dorëheqjet e kryetarëve të komunave veriore, janë paralajmërim për një raund të ri të dialogut në Bruksel.
“Mendoj që ky është një vendim histerik, i cili nuk është i mirë. Duket që të dyja palët në dialog, tashmë do të vazhdojnë dialogun me mjete tjera. Prishtina i ka dërguar njësitet speciale të Policisë në veri dhe ka vendosur taksat prej 100 për qind për produktet serbe. Ndërkaq, si përgjigje ndaj kësaj, kryetarët e komunave dhe këshilltarët komunal në veri kanë dhënë dorëheqje dhe kërkojnë që kryetarja e Kuvendit të Serbisë të shpallë zgjedhjet sipas sistemit të Serbisë. Këtë e shoh si vendosje në pozicionet fillestare për raundin e ri të bisedimeve”, tha Miletiq.
Situata e krijuar, sipas njohësve serb të zhvillimeve politike, mund të prodhojë pasoja të padëshirueshme, të paktën për qytetarët e bashkësive etnike që jetojnë në Kosovë.
Trajkoviq thekson që një nga pasojat e mëdha do të jetë rikthimi i antagonizmave ndërmjet serbëve dhe shqiptarëve.
“Kjo është më e keqja. Do të thotë, shembja e sërishme e asaj që ka qenë qëllimi i Marrëveshjes së Brukselit, që është pajtimi dhe normalizimi i jetës. Tash po shkojmë drejt destabilizimit dhe urrejtjes ndaj njëri-tjetrit. A do të shkojnë ata me Thaçin që ta rrëzojnë Qeverinë e Ramush Haradinajt, si dhe cili do të jetë fati i tyre, ne ende nuk e dimë. Kjo do të shkaktonte homogjenizim shtesë të shqiptarëve në Kuvendin e Kosovës, të opozitës dhe të një pjese të partive shqiptare që mbështesin Haradinajn. Kjo do të ishte një sfidë e re për përplasje shtesë në këtë hapësirë”, u shpreh Trajkoviq.
Edhe Miletiq nuk i përjashton pasojat e rrezikshme nga gjendja e krijuar pas dorëheqjes së kryetarëve të komunave vendore dhe vendimit të tyre për të ndërprerë vetëqeverisjen lokale sipas sistemit të Kosovës.
“Pasojat mund të jenë nga ato më të këqijat, pra, siç është konflikti fizik, por, mund të përfundojë pikërisht kështu siç është aktualisht ose gjithçka ndërmjet këtyre të dyjave. E kam të vështirë të parashikojë se çfarë mund të jenë pasojat, por se do të vije deri te një ashpërsim i caktuar, kjo është krejtësisht e sigurt”, theksoi Miletiq.
Liderët serbë në veri kanë organizuar protesta të qytetarëve në Mitrovicën Veriore, për të kundërshtuar vendimin e Qeverisë së Kosovës për ngritjen e taksës për mallrat serbe. Organizatorët kanë njoftuar se protestat do të vazhdojnë edhe në ditët e ardhshme, derisa Kosova nuk e tërheqë këtë vendim.