![](https://i0.wp.com/www.fiks.al/wp-content/uploads/2023/06/persona-te-panjohur-sulmojne-dy-vetura-ne-zvecan_64803f6e8cc5c.jpeg?resize=850%2C564&ssl=1)
Dy vetura raportohet se janë sulmuar nga persona të panjohur të martën në Zveçan.
Policia njofton se rreth orës 10:00 një person ka raportuar se derisa ishte duke lëvizur me veturën e tij, dy grupe personash të panjohur, prej tyre disa me maska, e kanë sulmuar me mjete të forta duke i dëmtuar veturën.
“Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raportin policor.
Ndërsa, rreth orës 23:30 dy persona përderisa kanë qenë në veturën e tyre me targa vendore, nga të dyshuar deri më tani të panjohur janë sulmuar me shkopinj bejsbolli, shufra metalike, kubëza dhe gurë.
“Si pasojë e sulmit janë shkaktuar dëme materiale në veturë, nuk raportohet për të lënduar”, thuhet tutje në raport.