Përfaqësues të Forcës së Sigurisë së Kosovës (FSK) kanë përfunduar me sukses Kursin Ndërkombëtar për Nënoficerët e Lartë të Komandës, të mbajtur në Akademinë Ushtarake “Dr. Franjo Tuđman” në Kroaci, së bashku me pjesëmarrës nga 11 shtete.
Ministri i Mbrojtjes ka bërë të ditur se avancimi i edukimit dhe zhvillimi profesional i pjesëtarëve të FSK-së mbeten ndër prioritetet e saj të vazhdueshme.
Sipas ministrit të Mbrojtjes Ejup Maqedonci, pjesëmarrja në programe të tilla ndërkombëtare kontribuon në ngritjen e kapaciteteve profesionale, shkëmbimin e përvojave dhe forcimin e bashkëpunimit me vendet partnere.
Ministria e Mbrojtjes ka uruar pjesëtarët e FSK-së për përfaqësimin e Republikës së Kosovës në këtë program ndërkombëtar.
