![](https://i0.wp.com/www.fiks.al/wp-content/uploads/2023/06/rama-i-dhuron-kadarese-celesin-e-kryeqytetit-i-premton-se-nje-nga-bibliotekat-do-ta-kete-emrin-e-tij_6480eaf5f0b82.png?resize=750%2C375&ssl=1)
Kryetari i Prishtinës, Përparim Rama, në shenjë mirënjohjeje, ia ka dhuruar Çelësin e Kryeqytetit shkrimtarit Ismail Kadare.
Këtë e bëri të ditur Rama përmes një postimi në Facebook, u shtoi se i ka premtuar vënien e emrit të shkrimtarit njërës prej bibliotekave të kryeqytetit.
“Nder i jashtëzakonshëm të mirëpres shkrimtarin e madh Ismail Kadare dhe bashkëshorten e tij, znj. Helena Kadare. Në shenjë mirënjohje dhe respekti i dhurova Çelësin e Kryeqytetit. Po ashtu, kisha kënaqësinë ta informoj se kam vendosur që një prej bibliotekave të kryeqytetit do ta marrë emrin e tij”, ka shkruar Rama në Facebook.
Sipas Ramës, veprat e Kadaresë e kanë ngritur letërsinë shqipe në nivel botëror dhe vazhdojnë të frymëzojnë tash e sa gjenerata.