Deputeti nga radhët e Lëvizjes Vetëvendosje, Mefail Bajqinovci ka reaguar ndaj paralajmërimit të BE-së për mundësinë e eskalimit të situatës në very.
Ai beson se BE kur përmend eskalimin e ka fjalën për kriminelët e organizatave terroriste serbe.
“Andaj është mirë që kur të flitet për rrezikun e rieskalimit, të flitet edhe për shkaktarët e tij. Siç po thotë edhe Kryeministri Kurti, në veri nuk ka vullkan që të ketë shpërthim. Ka tentakula të Serbisë që nxisin eskalim”, shkroi ndër të tjera Bajqinovci, përcjell “Bota sot”.
Postimi i plotë
Kur po flet BE-ja për rrezikun për rieskalim të situatës po besoj e kanë fjalën për anëtarët e tash organizatave terroriste të ashtuquajtura “Mbrojtja Civile” dhe “Brigadat e Veriut” të cilët po qëndrojnë në Kopaonik, dhe kriminelët tjerë ordiner që po qëndrojnë nëpër kazerma në Rashkë. Andaj është mirë që kur të flitet për rrezikun e rieskalimit, të flitet edhe për shkaktarët e tij. Siç po thotë edhe Kryeministri Kurti, në veri nuk ka vullkan që të ketë shpërthim. Ka tentakula të Serbisë që nxisin eskalim.
