![](https://i0.wp.com/www.fiks.al/wp-content/uploads/2023/06/situata-ne-veri-stoltenberg-reagon-serish-kjo-eshte-thirrja-e-tij-per-kosoven-e-serbine_649c3d4c4df37.jpeg?resize=850%2C478&ssl=1)
Sekretari i Përgjithshëm i Aleancës Veri-Atlantike, Jens Stoltenberg, u ka bërë thirrje sërish Kosovës e Serbisë që të shtensionojnë situatën në veri dhe të kthehen në dialogun e lehtësuar nga Bashkimi Evropian.
Në njoftimin e NATO-s bëhet e ditur se Stoltenberg ka folur edhe për situatën në Kosovë në takimin me kryeministren e Estonisë, Kaja Kallas.
Ai ndër të tjera ka thënë se dialogu është e vetmja mënyrë për të ecur para.
“Ne u bëjmë thirrje të dyja palëve që të përmbahen nga çdo gjë që mund të përshkallëzojë më tej tensionet dhe të kthehen menjëherë në dialogun e lehtësuar nga BE-ja, që është e vetmja rrugë përpara”, tha ai.
Sekretari i Përgjithshëm ka folur edhe për rëndësinë e misionit të KFOR-it të NATO-s në Kosovë, i cili tha se vazhdon të përmbushë mandatin e OKB-së.