Rubrika “Trotuar” në “E diell” është gjithmonë një nga rubrikat më të zhurmshme të programit, ku trajtohen çështje nga më të ndryshmet me një panel prej disa personazhesh publikë.
Tema e kësaj jave ka pasur të bëjë me mëkatet dhe ato veprime çfarë konsiderohen mëkate. “Sa shpirtërore dhe sa materialistë duhet të jemi në jetën tonë të përditshme” – ka qenë pyetja e Edi Manushit drejtuar të ftuarit special, At Nikollës.
Kësaj pyetjeje i është përgjigjur edhe Kristi me këndvështrimin e tij, duke thënë se që të gjithë në jetën tonë jemi të korruptuar dhe degjeneruar. Ky koment i Kristit, i cili ka folur në shumës ka bërë që moderatorja Erjola Doci të “shpërthejë” kundrejt tij.
“Ena e zbrazët e ka zërin e lartë Krist Dragot Aliaj. Kush je ti dhe me ça kompetence flet me absolutizma për të gjithë njerëzit këtu? Ti mëkaton sa zgjohesh në mëngjes kështu që mos fol. Mbylle dhe gojën dhe fol për vete aty se nuk të duroj fare.” – ka thënë Erjola drejtuar Kristit.
