Ceremonia e tyre e martesës brenda shtëpisë së “Big Brother VIP Albania” ishte padyshim një nga momentet më romantike dhe të komentuara të këtij edicioni.
Por ajo që filloi si një lojë dhe traditë e formatit, duket se është kthyer në një realitet mjaft të bukur jashtë kamerave!
Ndryshe nga shumë çifte televizive që ftohen sapo fiken dritat e spektaklit, Brikena dhe Mateo po vërtetojnë të kundërtën. Lidhja e tyre jo vetëm që po vazhdon, por po ecën me ritme të qëndrueshme, pavarësisht distancës gjeografike mes Kosovës dhe Shqipërisë.
Së fundmi, dyshja ka hequr çdo hije dyshimi për fansat. Mateo ka ndarë në rrjetet sociale një fotografi mjaft të ëmbël ku shfaqet duke i mbajtur dorën Brikenës. Por sytë e të gjithëve mbetën tek një detaj i veçantë: në gishtat e tyre shkëlqejnë ende unazat që shkëmbyen gjatë “dasmës” brenda shtëpisë!
Ky vendim për të mbajtur simbolin e atij momenti të veçantë është interpretuar menjëherë nga ndjekësit si një konfirmim i qartë i angazhimit të tyre ndaj njëri-tjetrit.
Dyshja po kalon një pjesë të mirë të kohës bashkë, duke udhëtuar dhe duke mposhtur largësinë, për të treguar se ndjenjat e lindura nën presionin e lojës mund të mbijetojnë shumë mirë edhe në jetën reale.
Për publikun, ata mbeten padiskutim një nga historitë më të bukura që dhuroi ky edicion.
