Raportuesja speciale e OKB-së për Territoret e Pushtuara Palestineze e përshkroi të enjten kapjen e Flotës Globale Sumud nga Izraeli si “Apartheid pa kufij”.
“ALARM! Si është e mundur që Izraelit i lejohet të sulmojë dhe të sekuestrojë anije në ujërat ndërkombëtare pranë Greqisë/Evropës? Përveç asaj që mund të mendoni për Izraelin e Aparteidit dhe udhëheqësit e tij gjenocidalë, kjo duhet të dërgojë valë tronditëse në të gjithë Evropën”, tha Francesca Albanese në platformën amerikane të mediave sociale X.
Marina izraelite kapi anije nga flota të mërkurën vonë, ndërsa ato po shkonin drejt Gazës për të thyer një bllokadë të gjatë mbi enklavën.
Grupi tha se forcat izraelite rrethuan konvojin në ujërat ndërkombëtare pranë ishullit grek të Kretës, bllokuan komunikimet dhe sekuestruan 21 anije, duke shtuar se 17 anije arritën të arratiseshin dhe të hynin në ujërat greke pas incidentit, shkruan Anadolu.
Flota, që transporton ndihma humanitare për Gazën, synon të thyejë bllokadën e Izraelit dhe të hapë një korridor humanitar nga deti.
Ky veprim erdhi disa orë pasi mediat hebraike raportuan se Izraeli po përgatitej të kapte floten, e cila përfshin rreth 100 anije në total që transportojnë gati 1,000 aktivistë nga disa vende.
Izraeli ka vendosur një bllokadë në Rripin e Gazës që nga viti 2007, duke lënë rreth 1.5 milion palestinezë nga afërsisht 2.4 milion të pastrehë, pasi shtëpitë e tyre u shkatërruan gjatë luftës.
