jë 12-vjeçar mbeti i plagosur këtë mëngjes, pasi autobusi i linjës së Unazës në Tiranë është përplasur me motorin me të cilin i mituri po udhëtonte.
Rreth orës 08:45, në rrugën “Ferit Xhajko”, shoferi P. R., duke drejtuar autobusin është përplasur me motomjetin me drejtues H. Gj dhe si pasojë është dëmtuar pasagjeri i mitur në motor.
12-vjeçari ndodhet në spital, ndërsa nuk dihet gjendja e tij. Sipas policisë, një grup hetimor po punon për sqarimin e rrethanave të aksidentit.
Tiranë/Informacion paraprak
Më datë 02.07.2023, rreth orës 08:45, në rrugën “Ferit Xhajko”, shtetasi P. R., duke drejtuar autobusin e linjës së Unazës, është përplasur me motomjetin me drejtues shtetasin H. Gj. Si pasojë është dëmtuar një i mitur 12 vjeç, (pasagjer në motomjet), i cili ndodhet në spital, nën kujdesin e mjekëve. Grupi hetimor po punon për sqarimin e rrethanave të aksidentit.
Burimi: Top Channel
