TIRANË – Lëvizja qytetare që kërkon dorëheqjen e kryeministrit Edi Rama dhe largimin e qeverisë ka paralajmëruar zhvillimin e një proteste kombëtare këtë të shtunë në Tiranë, ku, sipas organizatorëve, pritet të marrin pjesë edhe shqiptarë nga diaspora.
Njoftimi vjen pas protestës së 62-të radhazi të mbajtur përpara godinës së Kryeministrisë, ku organizatorët përsëritën kërkesat për dorëheqjen e kryeministrit dhe zhvillimin e zgjedhjeve të parakohshme.
NEWS Vrasja e vëllezërve Alikaj/ I afërmi i viktimave-Erion Alibejt: O “Krym”, pse nuk flet, kush i vrau!? Ja kush e di të vërtetën…Sipas njoftimeve të shpërndara në rrjetet sociale nga komunitete të diasporës, protesta do të zhvillohet në Bulevardin “Dëshmorët e Kombit”, ndërsa qytetarët brenda dhe jashtë vendit janë ftuar t’i bashkohen tubimit.
Gjatë protestës së fundit, organizatorët përdorën slogane si: “Ka nisur numërimi mbrapsht. Vrisni frikën, merrni pjesë në protestë. Rama i ka ditët e numëruara”, duke përsëritur kërkesën që kryeministri të japë dorëheqjen.
NEWS Protestuesi ironizon listat e mbyllura të PS-PD: Zemra më thoshte voto Zegjinenë, mendja më thoshte voto të ardhmen me Berishën 83 vjeçOrganizatorët e cilësojnë protestën e 1 gushtit si një nga mobilizimet më të rëndësishme të kësaj lëvizjeje, duke theksuar se pjesëmarrja e diasporës pritet të ketë një rol të rëndësishëm në tubim.
