Shqipëria do të vijojë të ketë kushte të qëndrueshme atmosferike edhe gjatë ditës së sotme.
Moti pritet të jetë i kthjellët në të gjithë territorin, ndërsa temperaturat do të mbeten të larta.
Sipas Shërbimit Meteorologjik Ushtarak, era do të fryjë nga verilindja në veriperëndim me shpejtësi mesatare rreth 4 m/s.Në vijën bregdetare dhe në zonat luginore, shpejtësia e erës mund të arrijë deri në 12 m/s.
Në det pritet valëzim i forcës 1 deri në 3 ballë.
Kushtet e motit mbeten përgjithësisht të favorshme për një ditë me diell në pjesën më të madhe të vendit.
