Një aksident tragjik ka ndodhur pasditen e së shtunës në Nea Peramos, në Kavala të Greqisë, ku një 34-vjeçar ka humbur jetën.
Ngjarja ndodhi në rrugën drejt Ammolofos, ku një motor u përplas me një skuter elektrik.
Përplasja rezultoi fatale për drejtuesin e motorit, Ardit Elezi, 34 vjeç, i cili ndërroi jetë si pasojë e plagëve të marra.
Ndërkohë, drejtuesi i skuterit elektrik, Mariglen Nofulla, 36 vjeç, mbeti i plagosur dhe u transportua në spitalin e Kavalës për ndihmë mjekësore.
Sipas mediave greke, autoritetet kanë nisur hetimet për zbardhjen e plotë të shkaqeve dhe rrethanave të aksidentit.
