![](https://i0.wp.com/www.fiks.al/wp-content/uploads/2023/06/kerset-kallashi-ne-prishtine-plagoset-nje-person-ne-diskoteken-lit_64948df0bcd5d.jpeg?resize=750%2C375&ssl=1)
Të shtëna armësh janë dëgjuar në orët e para të mëngjesit në Prishtinë.
Burime të Indeksonline bëjnë të ditur se një person ka mbetur i plagosur tek diskoteka “Lit” që ndodhet në dalje të Prishtinës, tek rrethi në drejtimin për Fushë Kosovë.
Ngjarja ka ndodhur rreth orës 04-00 të mëngjesit.
Rastin e ka konfirmuar edhe Policia e Kosovës.
“Policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se me armë zjarri është plagosur një person, i cili është dërguar për tretman mjekësor”, thuhet në njoftimin e Policisë.