Jakup Krasniqi ka përfunduar vizitën e tij në familje. Ish-kryeparlamentari i Kosovës kishte ardhur sot në vend për arsye humanitare, duke shfrytëzuar mundësinë për të qëndruar pranë familjarëve të tij.
Vizita lidhet me gjendjen shëndetësore të bashkëshortes së tij, ndërsa organizimi dhe përcjellja e saj u bënë nën mbikëqyrjen e institucioneve përkatëse.
Kjo vizitë përbën një nga rastet kur Gjykata Speciale ka lejuar kthimin e përkohshëm të një personi të paraburgosur në Kosovë për arsye humanitare.
Jakup Krasniqi niset drejt Kosovës për vizitë familjare
Ish-zëdhënësi i Ushtrisë Çlirimtare të Kosovës, Jakup Krasniqi, është nisur drejt Kosovës, pasi i është lejuar një vizitë familjare në vendlindje gjatë ditës së sotme.
Në përgjigjen Në të zëdhënësit të Dhomave të Specializuara, Michael, thuhet se vizita është miratuar për arsye të forta humanitare.
Sipas Michael, vizitat e tilla lejohen në bazë të Rregullës 56 të Rregullores së Procedurës dhe Provave të Dhomave të Specializuara, e cila mbështetet në standardet ndërkombëtare për të drejtat e njeriut.
Ai ka sqaruar se çdo kërkesë e tillë shqyrtohet nga gjyqtari ose gjyqtarët e çështjes, të cilët vlerësojnë të gjitha rrethanat dhe marrin vendim në përputhje me kornizën ligjore të gjykatës dhe standardet ndërkombëtare për të drejtat e njeriut.
Michael ka theksuar se këto raste trajtohen me urgjencën dhe ndjeshmërinë që kërkojnë rrethanat humanitare.
Krasniqi, një nga figurat e njohura të UÇK-së, u dënua së fundmi me 25 vjet burgim nga Gjykata Speciale në Hagë.
Kjo shënon vizitën e dytë të tij në Kosovë që nga arrestimi dhe transferimi në Hagë.
Herën e parë, ai ishte kthyer në vendlindje pas vdekjes së vëllait të tij.
