![](https://i0.wp.com/www.fiks.al/wp-content/uploads/2023/08/krasniqi-pret-ne-parti-nje-delegacion-nga-turqia-i-informon-per-zhvillimet-politike-ne-kosove_64da01e26c5a9.jpeg?resize=850%2C567&ssl=1)
Kryetari i PDK-së, Memli Krasniqi, njofton se sot në selinë e partisë e ka mirëpritur zëvendësministrin e Punëve të Jashtme të Turqisë, Mehmet Kemal Bozay dhe delegacionin e tij.
Me anë të një postimi në Facebook, Krasniqi shprehet se mysafirët i njoftoi me zhvillimet e fundit politike në Kosovë, qëndrimet e PDK-së në raport me to dhe siç tha, rrugën më të mirë përpara për vendin, drejt integrimit euro-atlantik e duke ruajtur raportet me aleatët përmes veprimeve të përgjegjshme politike.
“Zëvendësministrin Bozay e falënderova për vizitën, interesimin dhe gatishmërinë e vazhdueshme të shtetit tonë mik, Turqisë, për të ndihmuar Kosovën në të gjitha etapat e shtetformimit.
Thellimi i bashkëpunimit mes dy vende tona në fusha të ndryshme është në funksion të miqësisë mes vendeve tona dhe fuqizimit të shtetit tonë”, shkroi ai.