Një burrë është plagosur në Tiranë pasi u qëllua me armë të ftohtë nga një person tjetër i cili më pas ra në pranga.
I plagosur ka mbetur Fadil Çota, 64 vjeç banues në Tiranë, raporton noa.al. I dyshuar i ngjarjes është Ilir Duka, 55 vjeç.
Policia e Shtetit tha se u arrestua një 55-vjeçar, pasi në rrugën “Shefqet Kuka”, Tiranë, ka goditur me mjet prerës (thikë) një 64-vjeçar, i cili ndodhet në spital, jashtë rrezikut për jetën.
Sakaq u sekuestrua mjeti prerës (thikë), në cilësinë e provës materiale.
Është e paqartë arsyeja përse u ther me thikë burri 64 vjeçar. /noa.al
