![](https://i0.wp.com/www.fiks.al/wp-content/uploads/2023/08/levizje-te-shtuar-te-trupave-dhe-automjeteve-keto-dite-kfor-i-i-keshillon-shoferet-kosovare-te-jene-te-vemendshem_64dc7197216c6.png?resize=750%2C375&ssl=1)
Ditët në vijim do të ketë lëvizje të shtuar të trupave dhe automjeteve të KFOR-it brenda Kosovës, për shkak të procedurës normale të dorëzimit të kontingjenteve.
“Ushtrimet do të kryhen gjithashtu për të testuar dhe ruajtur aftësitë operacionale në mënyrë që të sigurohet niveli i njëjtë i trajnimit dhe gatishmërisë së të gjitha njësive që vijnë në terren”, njoftoi misioni paqeruajtës i NATO-s në Kosovë përmes një komunikate për media.
KFOR-i njofton se këto ushtrime do të zhvillohen në mënyrë të tillë që të minimizojnë çdo ndërprerje dhe ndikimin për popullatën lokale dhe se është e mundur që të ketë vonesa në qarkullimin e trafikut dhe të vërehen lëvizjet e ushtarëve.
“Prandaj, KFOR-i këshillon shoferët që t’i kushtojnë vëmendje të veçantë nëse janë afër kolonave të automjeteve ushtarake”, thuhet në komunikatën e KFOR-it.