![](https://i0.wp.com/www.fiks.al/wp-content/uploads/2023/09/osmani-vendosmeria-per-anetaresim-ne-nato-mbetet-e-palekundur_64f9f8d9871d0.png?resize=667%2C375&ssl=1)
Presidentja e Republikës së Kosovës Vjosa Osmani, pas takimit me Sekretarin e Përgjithshëm Jens Stoltenberg, ka thënë se e ka përsëritur përkushtimin e fortë të Kosovës për anëtarësim në NATO.
Osmani shtoi se vendosmëria për t’u anëtarësuar në NATO mbetet e palëkundur për Kosovën.
Postimi i plotë:
“Në selinë qendrore të NATO-s, në takim me Sekretarin e Përgjithshëm Jens Stoltenberg, përsërita përkushtimin e fortë të Kosovës për anëtarësim në NATO.
Vendosmëria jonë për të kontribuar krahas aleatëve tanë për siguri dhe paqe afatgjate, në rajon e kudo në botë, mbetet e palëkundur!”, ka shkruar Osmani.