Në sallën “1 Tetori” në Prishtinë, është duke u mbajtur edicioni i 23-të i Panairit Ndërkombëtarë të Agrobiznesit dhe Ushqimit, panair i cili mbledh së bashku bizneset për të ekspozuar produktet e tyre, me ç’rast i promovojnë edhe ofertat e tyre.
Ekipi i ATV-së ishte sot në sallën “1 Tetori” për të parë nga afër punimet që janë duke u bërë në këtë panair dhe për të biseduar me disa ndërmarrës që kanë ardhur për të prezantuar produktet e tyre.
Ajo që ra më shumë në sy, ishte një ndërmarrëse e cila në këtë panair është prezantuar me përpunime të ndryshme të mjaltave.
Ajo thotë se është biologe me profesion dhe se përpunimin e mjaltave e bën vetë.
“Unë sot jam duke promovuar këto punimet e dorës që i punojmë unë dhe motra ime. Edhe përpunimet e mjaltave që i përpunoj unë vet, që jam biologe edhe i kemi mjaltë për çiftet që kanë probleme me lindje të fëmijëve, për femrat dhe meshkujt. Kemi mjaltë për kurimin e zemrës, kemi mjaltë për kurimin e gurëve në veshka dhe në fshikëzën urinare edhe shumë mjalta tjera”, shprehet ndërmarrësja. /atvlive.tv
Për të mësuar më shumë, shikoni videon më poshtë:
