Pas numërimit të mbi 60% të votave, kandidati i Lidhjes Demokratike të Kosovës (LDK), Arben Gashi, po shënon rezultat të rëndësishëm në zgjedhjet e fundit, përcjell Bota sot.
Në këto zgjedhje, Gashi ka arritur deri tani 9,689 vota, duke u renditur mes kandidatëve me mbështetje të konsiderueshme brenda partisë së tij. Ai mban numrin 28 në listën zgjedhore, ndërsa pozicioni i tij aktual e afron atë me rikthimin në Kuvendin e Kosovës.
Në legjislaturën e kaluar, Gashi nuk kishte arritur të siguronte mandatin e deputetit, ndërsa këtë herë gara duket më e favorshme për të, në bazë të rezultateve të deritanishme.
LDK në këto zgjedhje ka fituar 20 ulëse në Kuvend.
Procesi i numërimit të votave po vazhdon, ndërsa pritet që rezultatet përfundimtare të përcaktojnë përbërjen e re të Kuvendit të Kosovës.
KQZ
