![](https://i0.wp.com/www.fiks.al/wp-content/uploads/2023/06/peci-lavderon-policine-per-kapjen-e-armeve-ne-veri-me-gezon-fakti-qe-te-pranishem-ishin-eulex-i-dhe-kfor-i_6496e41b606d4.png?resize=850%2C537&ssl=1)
Drejtori i Institutit KIPRED dhe njohësi i zhvillimeve në rajonin e Ballkanit Perëndimor, Lulzim Peci, ka reaguar pas aksionit të Policisë së Kosovës të organizuar dje në Zveçan e ku si rezultat u kap një sasi e madhe e municionit ushtarak.
Peci ka thënë se aksioni i djeshëm është për komplimente dhe thotë se e gëzon shumë fakti që kishte koordinim me EULEX-in dhe KFOR-in, të cilët ishin të pranishëm në vendin e ngjarjes.
Peci ka thënë se paralajmërimi i Vuçiqit se mund të ndodh diçka më 28 qershor në veri ka gjasa që ka pësuar fiasko. Ai thotë se kjo ka të bëjë sigurisht me realizimin e ëndrrës së Vuçiq për ndarje të Kosovës.
Tutje Peci ka thënë se situata duhet të shtensionohet meqë Kosova e pëson më së shumti në gjithë këtë histori.
Sipas tij, në këtë kohë duhet pasur kujdes që të mos bëhen gabime taktike meqë ato mund të shkaktojnë pasoja tragjike.