Deputetja e AAK-së, Time Kadriaj, ka deklaruar se Aleanca për Ardhmërinë e Kosovës ka qenë subjekti më transparent gjatë procesit politik.
Ajo tha se kryetari Ardian Gjini e ka pranuar ftesën për takim, por sipas saj, pjesëmarrja e AAK-së është refuzuar.
“Ne kërkojmë kushte që janë në të mirën e Kosovës. AAK ka qenë partia më transparente në këtë proces”, u shpreh Kadriaj.
Duke folur për zhvillimet politike, ajo vlerësoi se zgjidhja më e mirë për situatën aktuale do të ishte që Ramush Haradinaj të zgjidhej president i vendit.
“Për ne, zgjidhja më e duhur për situatën aktuale është që Ramush Haradinaj të jetë president. Megjithatë, ne nuk i kemi numrat për këtë dhe gjithçka varet nga Lëvizja Vetëvendosje”, deklaroi Kadriaj.
