Ushtruesja e detyrës së Presidentes së Kosova, Albulena Haxhiu, priti në takim Kryesuesin e KQZ-së, Kreshnik Radoniqi, për të diskutuar hapat institucionalë drejt shpalljes së zgjedhjeve të reja.
Në takim u theksua rëndësia e përgatitjes në kohë të të gjitha veprimeve që lidhen me organizimin e procesit zgjedhor.
U nënvizua se procesi duhet të jetë në përputhje me Kushtetutën, ligjin dhe standardet demokratike.
Haxhiu vlerësoi rolin e KQZ-së në garantimin e një procesi të rregullt, të besueshëm dhe gjithëpërfshirës.
Gjithashtu, u diskutua për afatet ligjore, përgatitjet administrative, koordinimin ndërinstitucional dhe zhvillimin e procesit pa vonesa e me standarde të larta profesionale.
