Një aksident i rëndë ka ndodhur në superstradën Tiranë-Durrës, ku janë përplasur dy kamionë.
Mësohet se si pasojë e forcës së madhe, njëri prej tyre është përplasur dhe me trafikndarësen e superstradës. Fatmirësisht, raportohet se nuk ka persona të lënduar, por është bllokuar qarkullimi i automjeteve për disa minuta.
Ndërkohë, policia ndodhet në vendngjarje, ku po punon për zbardhjen e shkaqeve të aksidentit.
