![](https://i0.wp.com/www.fiks.al/wp-content/uploads/2023/12/ambasadori-suedez-ne-familjen-e-liridones-pershendes-reagimin-e-shpejte-te-policise-dhe-prokurorise-se-kosoves_656d04c606222.jpeg?resize=850%2C478&ssl=1)
Ambasadori i Suedisë në Kosovë, Jonas Westerlund e ka vizituar familjen e Liridona Ademajt, e cila u vra në Prishtinë, një rast që dyshohet se është i përgatitur ndaj saj nga tre të dyshuar në mesin e të cilëve bashkëshorti i saj, Naim Murseli.
Ambasadori Westerlund ka bërë të ditur përmes platformës ‘X’ se ka vizituar familjen Ademaj në Rracaj për tu shprehur ngushëllimet për rastin e tmerrshëm të vrasjes së anëtarit të tyre të familjes Liridonës, shtetase suedeze.
Gjithashtu ai e ka përshëndetur reagimin e shpejtë të Policisë dhe Prokurorisë që të sjellin të dyshuarit para drejtësisë.
“Këtë mëngjes vizitova familjen Ademaj në Rracaj për tu shprehur ngushëllimet e mia të përzemërta për rastin e tmerrshëm të vrasjes së anëtarit të tyre të familjes Liridonës, shtetase suedeze. Përshëndes reagimin e shpejtë të Policisë së Kosovës dhe Prokurorisë për të sjell të dyshuarit tek drejtësia”, ka shkruar Westerlund në platformën X.