Presidenti i SHBA-së, Donald Trump, ka hedhur poshtë raportimet për një marrëveshje të mundshme me Irani mbi shkëmbimin e uraniumit të pasuruar, duke theksuar se nuk do të ketë asnjë transaksion financiar. Në të njëjtën kohë, ai deklaroi se Izraeli nuk do të vazhdojë bombardimet ndaj Libani.
Sipas Trump, lajmet që sugjerojnë se Uashingtoni po shqyrton një marrëveshje me Teheranin, ku Irani do të dorëzonte rezervat e uraniumit të pasuruar në këmbim të zhbllokimit të 20 miliardë dollarëve asete të ngrira, nuk janë të vërteta.
Në një postim në platformën Truth Social, ai hodhi poshtë informacionet e publikuara nga Axios, duke theksuar: “SHBA do të marrë të gjithë ‘pluhurin bërthamor’ të krijuar nga bombarduesit tanë B-2. Nuk do të jepen para në asnjë mënyrë, në asnjë formë”.
Presidenti amerikan u përpoq gjithashtu të ndajë çështjen e programit bërthamor iranian nga armëpushimi mes Izraelit dhe Hezbollah në Liban, i cili u njoftua më herët gjatë javës.
“Kjo marrëveshje nuk ka lidhje me Libanin. SHBA do të punojë veçmas me Libanin dhe do të trajtojë çështjen e Hezbollahut në mënyrën e duhur. Izraeli nuk do të bombardojë më Libanin”, deklaroi ai.
Sipas Trump, Izraeli është angazhuar të ndalojë sulmet ndaj Libanit, duke shtuar se vazhdimi i bombardimeve është “i ndaluar”. “Mjaft më, deri këtu”, u shpreh ai.
