Rron Gjinovci nga Organizata për Rritjen e Cilësisë në Arsim (ORCA) përmes një aksionit protestues “Kthimi i trurit apo kapja e Universitetit” sot shfaqi pakënaqësitë lidhur me emërimin e pozitave të ndryshme akademike në UP.
Gjiovci u shpreh se ministrja e Arsimit, Arbërie Nagavci e ka pasur të gatshme biografinë e rektorit Qerim Qerimi, sepse sipas tij, që nga fillimi e ka ditur se kush do ta marrë postin e rektorit.
Gjinovci, ndër të tjera tha se për të gjitha dështimet e Universitetit të Prishtinës do të marrë përgjegjësi qeveria aktuale.
Sipas tij, janë bërë manipulime me zgjedhjen e pozitave të profesorëve e asistentëve.
“Dështimet në Universitetin e Prishtinës do t’ia faturojmë kryeministrit Albin Kurti dhe vartësve të tij, të cilët të papenguar nga ai, po veprojnë jo më ndryshe se regjimi i kalum, që e ka sjellë arsimin në gjendje të mjerushme”, tha Gjinovci.
