Nënkryetari i LDK-së, Lutfi Haziri, ka thënë se abstenimi apo vetëpërjashtimi i Kosovës në rrjetet regjionale është tregues që kryeministri i vendit, Albin Kurti, mban në prioritete qëllimin e tij politik.
Haziri tha se LDK-ja nuk ka asnjë rol politik, e sipas tij, edhe në kuadër të masave ndëshkuese që BE-ja ka vendosur karshi Kosovës.
“U tha që ‘shpresoj të jenë të shpejta dhe të lehta! As të shpejta dhe as të lehta për popullin, e në anën tjetër vazhdojnë me takime vrapi në Bratisllave për tërheqje dy hapa mprapa, pa asnjë rezultat”.
“Guri në qafën e Republikes vazhdon ta rëndojë Republikën, por Kurti vazhdon të kalon kohë nëpër konferenca dhe arsyeton politikën e tij të terheqjes para-mprapa edhe kur dënohemi, kufizohemi e kushtëzohemi. Me rëndësi është kush e thotë, e jo çka thotë”, tha Haziri.
Tutje, ai tha se dikush ka vdekur për Kosovë, dikush është në burg e dikush në kuvend e institucione.
“Çka do të lini pas, kush feston për një ngjarje tuajen dhe para kujt me dërgu lule”, tha ai.
