Të hënën mbrëma në Gjilan një person është gjetur i vdekur në bodrumin e një ashensori të një ndërtese në rrugën Gjilan-Kamenicë.
Bëhet fjalë për bisnesmenin Musah Hamiti i cili në momentin që është gjetur i vdekur dyshohet se kishte rreth 80 mijë franga në xhep.
Ndryshe Gazeta ka sjellur rrëfimin tronditës të dëshmitarit i cili e gjeti bisnesmenin të vdekur.
Kujtojmë që Hamiti ishte raportiar edhe I zhdukur më 10 janar të këtij viti.
Poashtu rastin e ka konfirmuar edhe zëdhënësi i policisë për rajonin e Gjilanit Ismet Hashani.
“Ju njoftoj se me datë 26.02.2024 rreth ores 22:37, policia e Kosovës stacioni policor në Gjilan kanë marrë një informatë se në bodrumin e një ashensori të një ndërtese në rrugën Gjilan-Kamenicë është vrejtur një person i cili dyshohet të jetë i vdekur. Lidhur me rastin është informuar prokurori i shtetit dhe të gjitha njësitet relevante, ku me urgjencë kanë dalë në vendin e ngjarjes. Me vendim të prokurorit të shtetit trupi i pa jetë është dërguar në IML për obduksion”, ka thënë Hashani.
